لاہور ( این این آئی)ٹی وی اور فلم کے معروف اداکار احسن خان گورنر پنجاب چوہدری محمد سرور کے مداح نکلے ۔اس حوالے سے انہوں نے کہا کہ چوہدری سرور اور انکی اہلیہ میں عوامی خدمت کا بے پناہ جذبہ موجود ہے اور میں انکے جذبے کی دل کی گہرائیوں سے عزت کرتا ہوں ۔ چوہدری محمد سرور انتہائی نفیس انسان ہونے کے ساتھ اعلیٰ کردار کے مالک بھی ہیں اور
بطور گورنر پنجاب وہ صوبے کے عوام کی خدمت کا بھرپور جذبہ رکھتے ہیں ۔ اس کے ساتھ انکی اہلیہ بھی قدم با قدم ساتھ چل رہی ہوں ۔ احسن خان نے کہا کہ میں گورنر پنجاب کے وژن سے بڑا متاثر ہوں۔چوہدری سرور جیسے درد دل رکھنے والے ہر فرد کو معاشرے کی خدمت کے لئے آگے آنا چاہیے ۔ میری ان سے ملاقات ہوئی جس کے دوران ان سے مختلف امور پر گفتگو ہوئی ۔
