کراچی(این این آئی) نامور پاکستانی اداکار میکال ذوالفقار نے اداکارہ ماہرہ خان کے لیے پسندیدگی کا اظہار کردیا۔میڈیا رپورٹ کے مطابق پاکستان کی خوبرو اداکارہ ماہرہ خان نے ایک ویڈیو پیغام کے ذریعے فلم اور میکال ذوالفقار کیلئے نیک تمناؤں کا اظہار کیا۔میکال ذوالفقار نے ماہرہ خان کی ویڈیو اپنے انسٹاگرام اکاؤنٹ پر شیئر کرتے ہوئے پہلی بار ماہرہ کیلئے اپنی پسندیدگی کا اظہار کیا اورلکھا ’’جس سے آپ محبت کرتے ہیں
وہ آپ کے لیے نیک تمناؤں کا اظہار کرے تو کیا ہی بات ہے۔ بعد ازاں میکال نے ماہرہ کو مخاطب کرتے ہوئے کہاکہ آپ نے کہہ دیا ہے تو اب میری فلم ہٹ ہوجائیگی آپ میری زندگی میں شامل دیگر اچھے لوگوں میں سے ایک ہیں۔‘‘۔واضح رہے کہ پاک فضائیہ کے موضوع پر مبنی حب الوطنی کے جذبے سے بھرپور فلم ’’شیردل‘‘ گزشتہ روز پورے پاکستان میں ریلیز کردی گئی۔ فلم میں میکال ذوالفقار کے علاوہ اداکارہ ارمینا خان اور حسن نیازی نے اہم کردار ادا کیا ۔
