لاہور(این این آئی)اداکارہ و گلوکارہ رابی پیرزادہ نے غریب بچیوں کی تربیت کیلئے اپنے بیوٹی سیلون کے دروازے کھول دیئے ۔اس حوالے سے رابی پیرزادہ نے کہاکہ جو غریب گھرانے کی لڑکیاں اپنے خاندان کی کفالت کرناچاہتی ہیں اور انکے پاس کوئی تجربہ نہیں تو ان کیلئے میرے بیوٹی سیلون کے

دروازے کھلے ہیں کہ وہ یہاں آکر سیکھیں اور ان کو معقول وظیفہ بھی دیا جائے گا ۔ انہوں نے کہا کہ ہمارے معاشرے میں لڑکیوں کا مردوں کے ساتھ کام کرنا دشوار ہوتا ہے اور میں اپنی سطح پر جہاں تک ہو سکتا ہے ایسے پراجیکٹ سامنے لاتی رہوں گی جس سے غریب خاندانوں کی بھلائی ہو ۔