لاہور( این این آئی) نامور گلوکارہ شازیہ خشک نے کہاہے کہ صوفیانہ کلام پیش کرنے کیلئے آپ کامن صاف ہوناچاہیے ، اپنی ثقافت کوفروغ دینے کیلئے کام کر کے جتنی خوشی ملتی ہے اسے لفظوں میں بیان کرناممکن نہیں ۔ ایک انٹرویو میں انہوں نے کہا کہ صوفیانہ کلام بڑاخاص فن ہے اور میں تو یہ کہوں گی کہ صوفیانہ کلام کو پیش کرنے کے لئے آپ کا من صاف ہونا چاہیے ۔ شازیہ خشک نے کہاکہ گلوکاری کے فن کو زبردستی نہیں اپنایا جا سکتا بلکہ اس کیلئے آپ کے اندرلگن

ہونی چاہیے ۔ میرے شوہر کی جانب سے مجھے بھرپور سپورٹ کی گئی اور میری کامیابی میں ان کا بڑا کردار ہے۔ گلوکارہ نے مزید کہا کہ دنیا کے کئی ممالک کا سفر کیا ہے اور ہمیشہ اپنی ثقافت کو فروغ دینے کے لئے کام کیا ہے جس سے مجھے بیحدخوشی ملتی ہے ۔ انہوں نے کہا کہ گلوکاری کے ساتھ شاعری بھی کرتی ہوں لیکن یہ ایک خاص وقت ہوتا ہے جب آپ شعر کہتے ہیں ، دنیا کے فلسفے کو آج تک کوئی سمجھ سکا ہے اور نہ شاید سمجھ سکے گا یہ بہت گہرائی والا موضوع ہے ۔