انقرہ (این این آئی)ترکی کے ایک معروف اداکار پر ملکی صدر رجب طیب اردگان کی اہانت کرنے اور ملک میں مسلح بغاوت کی کوشش کرنے کا الزام عائد کیا گیا ہے۔ ترک پولیس میتن اکپینار کو جو ترکی کے ایک معروف کامیڈین بھی ہیں، ایک اور ترک اداکار کے ساتھ پوچھ گچھ کے لیے ساتھ لے گئی۔
77 سالہ اکپینار نے گزشتہ ہفتے ایک ٹیلی وژن پروگرام کے دوران کہا تھا کہ اگر ترکی ایک جمہوریت نہیں بن سکتا تو پھر اس کے رہنما کو لٹکا دینا چاہیے یا پھر زہر دے دینا چاہیے۔ استنبول کی ایک عدالت نے ان دونوں اداکاروں کو ضمانت پر رہا کر دیا مگر انہیں ترکی چھوڑنے کی اجازت نہیں ہے۔
