ممبئی (این این آئی)معروف اداکارہ ادیتی راؤ حیدری نے بھی اپنی می ٹو اسٹوری شیئر کرتے ہوئے ہراساں کرنے اور کام سے محرومی کا انکشاف کیا ہے۔ فلمی صنعت میں ہراساں ہونے کا ان کا تجربہ اتنا سنگین تو نہیں تھا جتنا دیگر خواتین نے بیان کیا، مگر انہیں 8 ماہ تک کام سے محروم رہنا پڑا۔انہوں نے بتایا مجھے یاد ہے جب میں نے کیریئر کا آغاز کیا تو میں بہت سادہ لوح تھی، میں ایک مضبوط پس منظر سے آئی تھی اور میں نہیں تھی کہ افواہیں یعنی اس طرح کے معاملات میں کس حد تک ٹھیک ہیں۔ درست بات تو یہ ہے
کہ مجھے بہت زیادہ برے وقت کا سامنا نہیں ہوا، ایک بار مجھے ہراساں کیا گیا جس سے مجھے جسمانی طور پر بہت زیادہ نقصان نہیں پہنچا، مگر ہاں مجھے انتخاب دیا گیا کہ اس راستے پر چلو یا دوسرے راستے پر، جس کی وجہ سے کام سے محروم ہونا پڑا، میرے لیے اس میں کوئی مشکل نہیں تھی اور میں اس راستے سے ہٹ گئی۔ادیتی راؤ حیدری نے بتایا کہ اس واقعے نے انہیں مایوس کردیا تھا کہ آئندہ وہ کسی فلم میں کام کرسکیں گی۔مگر اپنی ٹیم کی مثبت سپورٹ کی بدولت 8 ماہ بعد انہیں دوبارہ کام ملا گیا۔
