ممبئی (این این آئی)بالی ووڈ کے لیجنڈ اداکار دلیپ کمارکی اہلیہ سائرہ بانو نے بھارتی وزیراعظم نریندر مودی سے ملاقات کی درخواست کردی ۔تفصیلات کے مطابق شہنشاہ جذبات کہلائے جانے والے بالی ووڈ کے لیجنڈ اداکار دلیپ کمارکی اہلیہ سائرہ بانو نے لینڈ مافیا کی دھمکیوں پر بھارتی وزیر اعظم نریندر مودی سے ملاقات کی درخواست کی
ہے۔ بھارتی میڈیا رپورٹ کے مطابق سائرہ بانو نے اپنے ٹوئٹ میں نریندر مودی سے لینڈ مافیا سمیر بھوجوانی کے جیل سے رہا ہونے اور دھمکیوں پر ممبئی میں ملاقات کی درخواست کی ہے۔واضح رہے گذشتہ برس دلیپ کمار کی اہلیہ سائرہ بانو نے اپنے بنگلے کے جعلی کاغذات بنا نے اور دھمکیاں دینے پر ممبئی کے تھانے میں کیس دائر کیا تھا۔
