نیویارک(شوبز ڈیسک) بھارتی فلم انڈسٹری کے نامور اداکار رشی کپور نے کینسر کے مرض میں مبتلا ہونے بارے پھیلی افواہیں کی تردید کرتے ہوئے کہا ہے کہ وہ بالکل صحت مند ہیں۔بھارتی میڈیا رپورٹس کے مطابق گزشتہ روز اداکار رشی کپور نے ٹوئٹر پر ویڈیو جاری کی ہے اورساتھ ہی لکھا ہے کہ وہ اس وقت نیویارک کے علاقے مین ہٹن میں موجود ہیں اور نہایت بے فکری سے اپنے ساتھی اور پرانے دوست انوپم کھیر کے ساتھ گھوم رہے ہیں ۔ واضح رہے رشی کپور کے بڑے بھائی رندھیر کپور نے بھی رشی کپور کے
کینسر کے مرض میں مبتلا ہونے کی خبروں کی تردید کرتے ہوئے کہا تھا کہ انہیں ابھی نہیں معلوم کہ ان کے بھائی کو کیا بیماری ہے، وہ امریکا اسی لیے گئے ہیں کہ وہاں ان کا معائنہ ہو، اس کے بعد ہی یہ پتہ چل سکے گا کہ انہیں کیا بیماری ہے۔ انہوں نے مزید کہاتھا کہ ابھی رشی کپورکو خود بھی نہیں معلوم کہ وہ کس بیماری کا شکار ہیں۔ بھارتی میڈیا کے مطابق رشی کپور جو چند روز قبل علاج کے لیے امریکا گئے تھے جس کے بعد سے میڈیا پر یہ خبریں گردش کررہی تھیں کہ وہ کینسر کے مرض میں مبتلا ہیں۔
