ممبئی (شوبز ڈیسک) بالی و ڈ اداکار سنجے دت کی زندگی پر بننے والی فلم ’’ سنجو‘‘(کل) جمعہ کو سینما گھروں میں تہلکہ مچائے گی جس کیلئے ایڈوانس بکنگ شروع ہو گئی۔بھارتی ذرائع ابلاغ کے مطابق ہدایتکار راج کمار ہیرانی کی اداکار سنجے دت کی زندگی پر بننے والی فلم ’’سنجو‘‘ کے ٹریلر، ٹیزر اور تصاویر کو بے حد پزیرائی ملی ہے ۔
جبکہ فلم ریلیز کے قریب ہے اور ان دنوں فلم کی تشہیری مہم جاری ہے اور اب سب کی نظریں فلم ’’سنجو‘‘ پر ہیں یہی وجہ ہے کہ فلم کی 29 جون کو ریلیز سے قبل فلم کی ٹکٹوں کی ایڈوانس بکنگ شروع ہو گئی ہے۔فلم میں اداکار رنبیر کپور، منیشا کوئرالہ، دیا مرزا، انوشکا شرما، سونم کپور، پریش راول، کرشمہ تنا اور دیگر شامل ہیں۔فلم 29جون کو ریلیز کی جارہی ہے۔
