ممبئی (این این آئی)بالی ووڈ اور ہالی ووڈ میں کامیابی کے جھنڈے گاڑنے والی اداکارہ پریانکا چوپڑا کو زندگی کی بڑی خوشخبری مل گئی ہے ۔ انہیں سری دیوی ایکسیلینس ایوارڈ سے نوازا گیا۔بھارتی میڈیا رپورٹس کے مطابق بالی ووڈ اداکارہ پریانکا چوپڑا کو جھاڑکھنڈ انٹرنیشنل فلم فیسٹیول میں سری دیوی ایکسیلینس ایوارڈ سے
نوازا گیا۔یہ ایوارڈ ہدایت کار مہیش بھٹ سے پریانکا چوپڑا کی جانب سے ان کی والدہ مدھو چوپڑا نے وصول کیا۔ایوارڈ ملنے کے بعد پریانکا چوپڑا نے اپنے ویڈیو پیغام میں ایوارڈ کیلئے شکریہ ادا کرتے ہوئے کہا کہ جھاڑکھنڈ انٹرنیشنل فلم فیسٹیول میں سری دیوی ایکسیلینس ایوارڈ حاصل کرنا میرے لئے اعزاز کا باعث ہے۔
