ممبئی (این این آئی) بھوج پوری اداکارہ منیشا رائے فلم کی شوٹنگ کے دوران ایکسیڈنٹ کا شکار ہوکر زندگی کی بازی ہار گئیں۔بھارتی میڈیا کے مطابق 45 سالہ اداکارہ منیشا رائے بالیہ کے قریب اس وقت حادثے کا شکار ہوئیں جب وہ اپنی ایک فیچر فلم کی شوٹنگ میں مصروف تھیں۔
پولیس حکام کا کہنا ہے کہ وہ اپنے ایسوسی ایٹ سنجیو مشرا کے ساتھ موٹر بائیک پر جا رہیں تھیں کہ ان کی ایک گاڑی سے ٹکر ہو گئی جس کی وجہ سے وہ موقع پر ہی دم توڑ گئیں جبکہ ان کے ساتھی وہ شدید چوٹیں آئیں۔ گاڑی کا ڈرائیور موقع سے فرار ہو گیا جسے ڈھونڈنے کیلئے کارروئی جاری ہے۔
