لاہور (آن لائن) چھنو بوائے پر جنسی ہراساں کرنے کا الزام لگانے والی میشا شفیع نے پھر محاذ کھول لیا،علی ظفر کے خلاف حمایت نہ ملنے پر شکوے سے بھرا شعری ٹویٹ داغ دیا، گلوکارہ کو برسوں کے یارانے جانے کا غم بھی ستانے لگا۔علی طفر کے خلاف جنسی ہراساں کرنے کا الزام لگا کر تہلکہ مچانے والی میشا شفیع واضح حمایت نہ ملنے پر اداس ہو گئیں۔ گلوکارہ شکوے بھرا ٹویٹ داغ کر “می ٹو “مہم میں ایک بار پھر ان ہو گئیں۔ گو ذرا سی بات پہ برسوں کے یارانے
گئے لیکن اتنا تو ہوا کچھ لوگ پہچانے گئے میشا شفیع کو یقین تھا کہ ان کی می ٹو مہم دوسری خواتین کیلئے مثال بنے گی لیکن شوبز انڈسٹری کی طرف سے علی ظفر کی کھل کر حمایت نے گلوکارہ کو مایوسی میں مبتلا کر دیا۔ل رہے کہ گلوکارہ میشا شفیع نے “چھنو بوائے” پر جنسی ہراسگی کا الزام عائد کیا ہے۔ میشا کا کہنا ہے کہ علی ظفر نے متعدد بار جنسی ہراسگی کا نشانہ بنایا۔ دوسری طرف گلوکار و اداکار علی ظفر نے اس الزام پر ردعمل دینے سے انکار کر دیا ہے۔
