لاس اینجلس (این این آئی) مارول سپر ہیرو ز کے مشہورفکشنل کردار بلیک پینتھرکے گِرد گھومتی ایکشن ایڈونچر سے بھرپور نئی سائنس فکشن فلم ’بلیک پینتھر‘نے ریلیز سے اب تک صرف امریکی باکس آفس پر ہی نہیں بلکہ دنیا بھر میں بھی دھوم مچا دی ہے ۔لگاتار پانچ ہفتے تک امریکی باکس آفس پرٹاپ پوزیشن پر رہنے والی بلیک پینتھرنے دنیا بھر میں1.27 بلین ڈالر سے زائد کی کمائی کر کے نہ صرف سب کوحیران کر دیا ہے بلکہ
فروزن،اواتاراوراسٹار وارز-دی لاسٹ جیڈی جیسی بلاک بسٹر فلموں کی صف میں کھڑی ہو گئی ہے ۔ریان کوگلر کی ہدایتکاری میں بننے والی اس فلم کی کہانی واکنڈانامی سرزمین کے ایک ایسے بادشاہ کے گِرد گھوم رہی ہے جس کی سلطنت میں خانہ جنگی کا آغاز ہو جاتا ہے ۔اپنی حکمرانی کو برقرار رکھنے اور سلطنت کے ٹکڑے ٹکڑے ہونے سے بچانے کیلئے کنگ ٹی چالابلیک پینتھر کا روپ دھار کر سی آئی اے ایجنٹ اور واکنڈاکی سلطنت کی سیکیورٹی فورسز کی مدد سے اپنے دشمنوں کا خاتمہ کرنے کیلئے اعلانِ جنگ کر دیتا ہے ۔
