ممبئی(این این آئی) نامور بالی ووڈ اداکار اجے دیوگن کو سوشل میڈیا پر اپنے بیٹے کے ساتھ تصویر شیئرکرنا مہنگا پڑگیا اور مداحوں نے انہیں تنقید کا نشانہ بنایا ہے۔بھارتی میڈیا کے مطابق اجے دیوگن باکس آفس پر 100 کروڑ روپے سے زائد کا بزنس کرنے والی فلم ’’ریڈ‘‘ کی کامیابی کے بعد پیرس میں اپنی فیملی کے ہمراہ چھٹیاں منانے میں مصروف ہیں۔

اور اسی حسین یادوں کو اپنے مداحوں کے ساتھ شیئر کرنے کے لیے انہوں نے سماجی رابطے کی ویب سائٹ انسٹا گرام پر اپنے بیٹے کے ساتھ ایک تصویر جاری کی جو ان کے بہت سارے مداحوں کو ذرا بھی نہیں بھائی۔اجے دیوگن نے انسٹا گرام پر بیٹے یوگ کے ساتھ تصویر شیئر کی جس میں ان کے دوسرے ہاتھ میں سگریٹ دیکھی جا سکتی ہے جس پر اداکار کو مداحوں کی جانب سے شدید تنقید کا سامنا کرنا پڑا۔اداکارہ کی جانب سے شیئر کی جانے والی تصویر پر مداحوں نے اپنی رائے کا اظہاربھی کیا۔ ایک مداح نے ان کی تصویر پر کمنٹ کیا کہ سگریٹ نوشی صحت کے لیے اچھی نہیں اور آپ کے اس عمل سے آپ کا بیٹا بھی سگریٹ پینا سیکھے گا۔دوسرے مداح نے بھی کہا کہ آپ اپنے بیٹے کے ساتھ ہی سگریٹ نوشی کر رہے ہیں آپ اس سے بڑھ کر اور کچھ اچھا کرسکتے ہیں۔ ایک مداح نے دوسرے اداکاروں سے موازنہ کرتے ہوئے کہا کہ اجے دیوگن بھی سلمان، سنجے اور شاہ رخ خان کی طرح چین اسموکر ہیں۔اداکار کی جانب سے یہ پہلی بار نہیں کہ انہوں نے سگریٹ نوشی کی تصویر شیئرکی ہو اس سے قبل بھی وہ ایسی تصویریں شیئر کرتے رہے ہیں اور ہر بار انہیں اچھا خاصا تنقید کا نشانہ بنایا گیا۔

موضوعات:اجے دیوگن