ہمبٹونا (این این آئی)پاکستان اور افغانستان کے درمیان تین ون ڈے میچز کی سیریز آج سے سری لنکا میں شروع ہو گی،دونوں ٹیموں کے درمیان پہلا میچ ہمبنٹوٹا میں کھیلا جائے گا۔ ایشیا کپ سے قبل دونوں ٹیمیں تین ون ڈے میچز کی سیریز میں مد مقابل ہوں گی۔
اس فارمیٹ میں پاکستان اور افغانستان کے درمیان اب تک چار میچز کھیلے گئے اور تمام میں پاکستان فاتح رہا۔افغانستان کوئی میچ تو نہ جیت سکی تاہم 2019 ورلڈکپ میں پاکستان کو ٹف ٹائم دے چکی ہے۔تین ون ڈے میچز کی سیریز کے دو میچز ہمبنٹوٹا اور آخری کولمبو میں ہوگا۔سیریز کا پہلا ون ڈے آج پاکستانی وقت کے مطابق دوپہر ڈیڑھ بجے کھیلا جائے گا۔
