لاہور( این این آئی)یوٹیلیٹی سٹورز کارپوریشن نے 170 سے زائد اشیا ء کی قیمتوں میں شاندار کمی کر دی ہے۔ترجمان کے مطابق یوٹیلیٹی سٹورز کارپوریشن نے عوام کی سہولت کیلئے 170 سے زائد اشیا ء کی قیمتوں میں 10 روپے سے لے کر190 روپے تک کی کمی کردی ہے اور نئی قیمتوں کا اطلاق فوری طور پر ہوگا۔

ترجمان کے مطابق چائے، مختلف مصالحہ جات اور دیگر اشیا ئے ضروریہ کی قیمتوں میں کمی کی گئی ہے۔ترجمان کے مطابق یوٹیلیٹی سٹورز کارپوریشن ہمیشہ کی طرح اپنے صارفین کے لئے معیاری اشیا ئے خوردونوش عام مارکیٹ کی نسبت ارزاں نرخوں پر مہیا کرنے کے لیے کارفرما ہے۔تمام یوٹیلیٹی سٹورز پر خریداری کے لئے کسی قسم کی کوئی شرط لاگو نہیں ،ملک بھر کے تمام شہری یوٹیلیٹی سٹورز سے خریداری کر سکتے ہیں۔