لاہور( این این آئی)اے ایم آئی میٹر کی قیمت میں 100فیصد اضافہ ہو گیا۔نجی ٹی وی کے مطابق مارکیٹ میں اے ایم آئی میٹر کی قیمت میں 100فیصد اضافہ ہونے سے میٹر کی قیمت 43ہزار سے بڑھ کر 65ہزار روپے تک جا پہنچی ہے۔لیسکو صارفین کو اے ایم آئی میٹر 43 ہزار روپے میں فروخت کیا جا رہا تھا اچانک پابندی لگنے کی وجہ سے مارکیٹ میں میٹرز کی قیمتیں بڑھ گئیں۔

لیسکو کی جانب سے اے ایم آئی میٹرز کی خریداری کیلئے این او سی کا اجرا ء شروع کر دیا گیا ہے۔گرین میٹر کا سٹاک ختم ہونے پر صارفین کو مارکیٹ سے خریداری کی اجازت دی گئی تھی۔ لیسکو کی جانب سے گرین بائی ڈائریکشنل میٹر کی تنصیب پر پابندی کا اطلاق یکم جولائی سے لیسکو کے تمام دفاتر میں کر دیا گیا تھا۔