کراچی (این این آئی)جمعرات کو انٹر بینک اور مقامی کرنسی مارکیٹ میں ڈالر کی نسبت روپے کی قدر میں بہتری رہی ۔فاریکس ایسوسی ایشن آف پاکستان کی رپورٹ کے مطابق جمعرات کو انٹر بینک میں روپے کے مقابلے ڈالر کی قدر میں13پیسے گھٹ گئی اور ڈالر کی قدر278.53روپے سے گھٹ کر278.40روپے رہ گئی ۔

مقامی اوپن کرنسی مارکیٹ میں ڈالر9پیسے کم ہوکر280.18 روپے پر بند ہوا۔ فاریکس ایسوسی ایشن آف پاکستان کے مطابق جمعرات کو یورو کی قدر میں1.19روپے کی کمی سے 296.25روپے رہی۔ اسی طرح2.18روپے کی کمی سے برطانوی پانڈ کی قدر350.26روپے رہ گئی ۔