اسلام آباد (این این آئی)پاکستان کیلئے 70کروڑ ڈالرز کی اگلی قسط کی منظوری کیلئے آئی ایم ایف بورڈ کا اجلاس طلب کرلیا گیا۔تفصیلات کے مطابق آئی ایم ایف نے ایگزیکٹو بورڈ کے اجلا س کا شیڈول جاری کردیا ہے جس کے مطابق بورڈ کا اجلاس 11جنوری کو طلب کیا گیا ہے۔اجلاس میں 70کروڑ ڈالرز کی اگلی قسط کی منظوری کا امکان ہے۔پاکستان اور آئی ایم ایف کے درمیان 15نومبر کو اسٹاف لیول معاہدہ طے پایا تھا، آئی ایم ایف کے ایگزیکٹو بورڈ کی جانب سے 70کروڑ ڈالرز کی منظوری کے بعدپاکستان کیلئے آئی ایم ایف کی طرف سے جاری کردہ رقم 1.9 ارب ڈالر ہو جائیگی۔