اسلام آباد (این این آئی) عالمی منڈی میں خام تیل کی قیمتیں رواں سال کی بلند ترین سطح پر پہنچ گئی ہیں۔غیر ملکی میڈیا کے مطابق عالمی منڈی میں خام تیل کی قیمتیں رواں سال کی بلند ترین سطح پر پہنچ گئی ہیں۔برینٹ آئل 32سینٹ اضافے کے ساتھ 93.59ڈالر فی بیرل جبکہ یو ایس ویسٹ ٹیکساس انٹرمیڈیٹ کروڈ 24سینٹ اضافے کیساتھ 90.27ڈالر فی بیرل پر پہنچ گئی ہیں۔دنیا کی تین چوتھائی تیل کی قیمت کیلئے استعمال ہونیوالے برینٹ فیوچرز کی قیمت میں جون میں سعودی عرب کی جانب سے تیل کی پیداوار میں کمی کے اعلان کے بعد سے تقریبا 26فیصد اضافہ ہوا ہے۔