اسلام آباد (مانیٹرنگ ڈیسک ) پاکستان میں چین کے سفیر یائو جنگ نےپاکستانیوں کو بڑی خوشخبری سنا ئی ہے ۔ ان کا کہنا تھاکہ پاکستان اور چین نے بڑی کامیابی سمیٹ لی ہے ، دونوں ممالک پرائیویٹ سیکٹر کو بھی سپورٹ کررہے ہیں جبکہ نجی سیکٹرز میں بھی پاکستان اور چین کے مابین حصہ داری بنانے کیکوشش کر رہے ہیں ۔چین اور پاکستان پرائیویٹ سیکٹر کو بھی سپورٹ کر رہے ہیں،گزشتہ ہفتہ وزیراعظم کیساتھ چین کی دس کمپنیز نے ملاقات کی ہے ۔ چینی سفیر کا کہنا تھا کہ پاکستان نے چائنیز کمپنیز کو خوش آمدیدکہا ہے، پاکستانی حکومت کی

پرائیویٹ سیکٹر کو سہولت کاری قابل ستائش ہے، انہوں نےکہا ہے کہ دونوں ممالک کی جانب سے بجلی کی قلت پر قابو پانے کے لیے سی پیک کے تحت پاور پلانٹس بھی لگائے جارہے ہیں۔ چینی سفیر یاؤ جنگ نے کہاہے کہ فوادچودھری پاکستان کو اس سمت پر لے کر جارہے ہیں جس کی ضرورت ہے ۔چینی سفیر یاؤ جنگ نے الیکٹرک گاڑیوں کی ویلیوچین کے قیام کی تقریب سے خطاب کرتے ہوئے کہاکہ الیکٹرک گاڑیوں کے حوالے سے نجی شعبہ کی شراکت داری اہم ہے،چین پاکستان کے درمیان اہم منصوبے سی پیک پرکام جاری ہے،دونوں حکومتیں نجی شعبے میں تعاون کو فروغ دے رہی ہیں۔چینی سفیر نے کہاکہ پاکستان پرائیویٹ سیکٹر کی سرمایہ کاری کو خوش آمدید کہہ رہا ہے ،پاکستان میں بیرونی سرمایہ کاروں کو مراعات دی جارہی ہیں،ماحول دوست گاڑیوں کے آنے سے بہتری آئی گی ۔دونوں ممالک کے باہمی تعاون سے پاکستان میں ترقی آئے اور پاکستانی عوام کیلئے روزگار کے مواقع پیدا ہونگے ۔