اسلام آباد ( آن لائن)فیڈرل بورڈ آف ریونیو کے شعبہ مینیجمنٹ کے سٹاف میں کرونا وائرس کی تصدیق ہوگئی ،متعلقہ افسر کو طویل چھٹی پر گھر بھیج دیا گیا ۔تفصیلات کے مطابق فیڈرل بورڈ آف ریونیو کے شعبہ مینجمنٹ کے ایک  سینئر افسر جس کی چند سے دن طبیعت ناساز تھی ،کورونا ٹیسٹ کرانے پر رپورٹ مثبت آگئی  ہے ،کرونا وائرس تصدیق کے بعد متعلقہ افسر کوطویل  چھٹی کیلئے گھر بھیج دیا گیا ہے

ذرائع نے بتایا کہ متاثرہ سینئر آفیسر کے قریبی ساتھیوں کی بھی طبیعت ناساز ہے جسے کورونا ٹیسٹ کرانے کی ہدایت کی گئی ہے ،ایف بی آر کے شعبہ کو سیل نہیں کیا گیا۔یاد رہے کہ ایف بی آر نے ملازمین کی حاضری سو فیصد یقینی بنانے کی ہدایات کی تھی،سینئر افسر کی کورونا ٹیسٹ رپورٹ مثبت آنے کے بعد ایف بی آر میں مزید کیسز سامنے آنے کا خدشہ ہے جس سے ملازمین میں خوف وہراس  پایا جاتا ہے۔

موضوعات:ایف بی آر سینئر آفیسر کی کورونا ٹیسٹ رپورٹ مثبت