لاہور( این این آئی)یوٹیلٹی سٹورز پرمختلف اشیاء کی قیمتوں میں 5سے 40روپے تک اضافہ کر دیاگیا، اوپن مارکیٹ میں چینی کی فی کلو قیمت 80روپے فی کلو تک پہنچ گئی ۔ تفصیلات کے مطابق یوٹیلٹی سٹورز کارپوریشن کی جانب سے دس روزمیں دوسری مرتبہ قیمتوںمیں اضافہ کیا گیا ہے ۔ کپڑے دھونے والے صابن
گھی اور کوکنگ آئل سمیت دیگر اشیاء کی قیمتوںمیں 5سے 40روپے تک اضافہ کیا گیا ہے ۔ درجہ دوئم گھی کے فی کلو پیکٹ کی قیمت میں 32روپے اور کوکنگ آئل کی قیمت میں 40فی کلو تک اضافہ کر دیا گیا ۔ علاوہ ازیں اوپن مارکیٹ میں پرچون سطح پر چینی کی فی کلو قیمت 80روپے تک پہنچ گئی ہے ۔
