اسلام آباد(آن لائن )رواں مالی سال 2019-20 کے ابتدائی ماہ جولائی کے دوران جرمنی کو کی جانے والی برآمدات میں 15 فیصد اضافہ ہوا ہے۔فیڈرل بورڈ آف ریونیو (ایف بی آر) کی جانب سے جاری کردہ اعدادو شمار کے مطابق گزشتہ مالی سال2017-18 کی ابتدائی ماہ جولائی کے دوران جرمنی کو کی جانیوالی برآمدات کا حجم

95.51ملین ڈالر تھا جبکہ رواں مالی سال 2019-20 کے ابتدائی ماہ جولائی کے دوران جرمنی کو کی جانیوالی برآمدات 111.25ملین ڈالر تک بڑھ گئیں۔ اس طرح گزشتہ جولائی 2018 کے مقابلہ میں جولائی 2019 کے دوران جرمنی کو کی جانیوالی برآمدات میں 14.74 ملین ڈالر یعنی 15فیصد کا اضافہ ہواہے۔