کراچی(این این آئی) بیرونی ادائیگیوں کے دباؤ کے باعث ملکی زرمبادلہ کے مجموعی ذخائرمزید10کروڑ 78لاکھ ڈالر کی کمی سے13ارب48کروڑ92لاکھ ڈالر کی سطح پرآگئے جب کہ مرکزی بینک کے ذخائر 7ارب ڈالر سے بھی کم رہ گئے ۔اسٹیٹ بینک آف پاکستان کے جاری اعداد وشمار کے مطابق11جنوری کو ختم ہونے والے ہفتے کے دوران ملکی مجموعی زرمبادلہ کے ذخائر کی مالیت میں10کروڑ78لاکھ ڈالر کی کمی ریکارڈ کی گئی اس کمی سے ذخائر کی کل مالیت13ارب59کروڑ70لاکھ روپے سے گھٹ کر13ارب48کروڑ92لاکھ روپے رہ گئی جس

میں اسٹیٹ بینک کے پاس موجود ذخائرمیں14کروڑ75لاکھ ڈالر کی کمی سے7ارب4کروڑ87لاکھ ڈالرسے گھٹ کر6ارب 58کروڑ80لاکھ ڈالر ہوگئے جب کہ دیگر کمرشل بینکوں کے ذخائر 3کروڑ97لاکھ ڈالرکی کمی سے گھٹ کر6ارب 58کروڑ80لاکھ ڈالر ہوگئے ۔اسٹیٹ بینک کے مطابق زرمبادلہ کے ذخائر میں کمی بیرونی ادائیگیوں کی وجہ سے ہوئی ہے واضح رہے کہ بیرونی ادائیگیوں کے دباؤ کے باعث ملکی زرمبادلہ کے ذخائر مسلسل دباوٗ کا شکار ہے جس کے تحت گزشتہ 4ہفتوں میں ایک ارب 9کروڑ53لاکھ ڈالر کی کمی ہوچکی ہے ۔

موضوعات:زرمبادلہ کے مجموعی ذخائر