پیر‬‮ ، 15 ستمبر‬‮ 2025 

سکھر ملتان موٹروے پروجیکٹ میں 137 ارب روپے کی کرپشن کا الزام

datetime 9  اگست‬‮  2018
ہمارا واٹس ایپ چینل جوائن کریں

اسلام آباد(مانیٹرنگ ڈیسک) پاکستان تحریک اںصاف (پی ٹی آئی) کے سینیٹر نعمان وزیر نے دعویٰ کیا ہے کہ سکھر ملتان موٹر وے پروجیکٹ میں 1 سو 37 ارب روپے کی کرپشن کی گئی۔ سینیٹ کی قائمہ کمیٹی برائے اطلاعات نے نیشنل ہائی وے اتھارٹی (این ایچ اے ) سے ملتان سکھر موٹر وے منصوبے کے کنٹریکٹ کی تفصیلات طلب کرلیں۔ سینیٹر نعمان وزیر کی جانب

سے 1 سو 37 ارب روپے کے غبن کے دعوے کے بعد تفصیلات طلب کی گئیں۔ سکھر-ملتان موٹر وے 393 کلو میٹر طویل ہے جس پر 294 ارب روپے لاگت آئے گی اور جسے 36 ماہ میں مکمل کیا جانا تھا۔ سکھر-ملتان موٹروے کا سنگ بنیاد رکھ دیا گیا نعمان وزیر کا کہنا تھا کہ مذکورہ پروجیکٹ کے لیے 3 چینی کمپنیوں سے رابطہ کیا گیا تھا جنہوں نے اس پروجیکٹ کی قیمت کا تخمینہ 2 سو 40 ارب سے 2 سو 45 ارب کے درمیان لگایا تھا۔ بعد ازاں ایک مقامی کمپنی سے مذکورہ پروجیکٹ پر آنے والی لاگت کا تخمینہ معلوم کرنے کے لیے رابطہ کیا گیا تھا۔ انہوں نے بتایا کہ مقامی کمپنی نے اپنی فزیبیلٹی رپورٹ جمع کرائی اور چینی کمپنیوں جتنا ہی تخمینہ بتایا لیکن پروجیکٹ کے لیے 4 سو 40 ارب روپے کی رقم مختص کی گئی۔ انہوں نے مزید کہا کہ جس چینی کمپنی کو پروجیکٹ کا کنٹریکٹ دیا گیا اسے چین سے ڈیوٹی فری مشینری اور سیمنٹ درآمد کرنے کی اجازت بھی دی گئی تھی۔ انہوں نے دعویٰ کیا کہ پاکستان میں لوہے کی قیمت 90 ہزار روپے فی ٹن ہے لیکن پروجیکٹ کے لیے چین سے 1 لاکھ 50ہزار روپے فی ٹن کی لاگت کا لوہا منگوایا گیا۔ اورنج لائن منصوبے میں کرپشن پر 2 افسران گرفتار سینیٹر نعمان وزیر نے 1 سو 37 ارب روپے کے غبن کا دعویٰ کرتے ہوئے کہا کہ موٹروے میں ایک کلومیٹر پرایک بلین روپے صرف کیے گئے۔ ان کا کہنا تھا کہ ’ہمیں چینی حکام سے ایک سو 37 ارب روپے کی واپسی کا مطالبہ کرنا چاہیے اور پاک چین اقتصادی راہداری (سی پیک) میں شروع کے گئے پروجیکٹس پر دوبارہ مذاکرات کرنے چاہئیں۔ دوسری جانب نیشنل ہائی وے اتھارٹی (این ایچ اے ) کے چیئرمین جواد رفیق ملک نے سینیٹ کمیٹی کو یقین دلایا کہ وہ ملتان سکھر پروجیکٹ کی تمام تفصیلات فراہم کریں گے۔

موضوعات:



کالم



انجن ڈرائیور


رینڈی پاش (Randy Pausch) کارنیگی میلن یونیورسٹی میں…

اگر یہ مسلمان ہیں تو پھر

حضرت بہائوالدین نقش بندیؒ اپنے گائوں کی گلیوں…

Inattentional Blindness

کرسٹن آٹھ سال کا بچہ تھا‘ وہ پارک کے بینچ پر اداس…

پروفیسر غنی جاوید(پارٹ ٹو)

پروفیسر غنی جاوید کے ساتھ میرا عجیب سا تعلق تھا‘…

پروفیسر غنی جاوید

’’اوئے انچارج صاحب اوپر دیکھو‘‘ آواز بھاری…

سنت یہ بھی ہے

ربیع الاول کا مہینہ شروع ہو چکا ہے‘ اس مہینے…

سپنچ پارکس

کوپن ہیگن میں بارش شروع ہوئی اور پھر اس نے رکنے…

ریکوڈک

’’تمہارا حلق سونے کی کان ہے لیکن تم سڑک پر بھیک…

خوشی کا پہلا میوزیم

ڈاکٹر گونتھروان ہیگنز (Gunther Von Hagens) نیدر لینڈ سے…

اور پھر سب کھڑے ہو گئے

خاتون ایوارڈ لے کر پلٹی تو ہال میں موجود دو خواتین…

وین لو۔۔ژی تھرون

وین لو نیدر لینڈ کا چھوٹا سا خاموش قصبہ ہے‘ جرمنی…