کراچی(آن لائن)بین الاقوامی بلین مارکیٹ میں فی اونس سونے کی قیمت10ڈالر کے اضافے سے1343ڈالر کی سطح پر پہنچنے کے باعث مقامی صرافہ مارکیٹوں میں بھی فی تولہ اور فی 10گرام سونے کی قیمتوں میں بالترتیب250 اور214روپے کا اضافہ ہوگیا،جس کے نتیجے میں کراچی، حیدرآباد، سکھر، ملتان، فیصل آباد،

لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں فی تولہ سونے کی قیمت بڑھ کر 56 ہزار 600 اور فی 10گرام سونے کی قیمت بڑھ کر48 ہزار 514روپے ہوگئی تاہم فی تولہ چاندی کی قیمت بغیرکسی تبدیلی کے820 روپے اور فی 10گرام چاندی کی قیمت702.85 روپے پرمستحکم رہی ہے۔