دبئی (این این آئی)دبئی کے ہوائی اڈے پر سونے کے کیبنوں کے ہال “سِلیپ اینڈ فلائی” کا افتتاح کردیاگیا۔ ہوائی اڈے کی عمارت نمبر 3 میں واقع اس ہال میں سونے کے لیے 27 کیبن شامل ہیں۔میڈیارپورٹس کے مطابق ہوائی اڈے کی جانب سے نہ صرف تھکے ہوئے مسافر کی راحت کا سامان فراہم کیا گیا ہے بلکہ ساتھ ہی اس کی “تفریح” کا بھی خیال رکھا گیا ہے۔ سونے کی غرض سے بنائے گئے ان کیبنوں میں کو خاص
ذیزائن کے تحت اپنایا گیا ہے۔ مجموعی 27 کیبنوں میں سے 20 کیبن اِسکیمو کے گھروں کی صورت میں ڈیزائن کیے گئے ہیں جب کہ 7 دْہرے کیبنوں کو بچوں کے فولڈ ایبل بستروں سے بھی لیس کیا گیا۔یاد رہے کہ مذکورہ کیبن ہال “سِلیپ اینڈ فِلائی” عمارت کے گیٹA1 کے نزدیک واقع ہے۔ یہ ہال دبئی کے بین الاقوامی ہوائی اڈے کے راستے سفر کرنے والے مسافروں کو اپنی نیند پوری کرنے اور راحت و آرام حاصل کرنے کے مزید اختیارات فراہم کرتا ہے.
