لندن (مانیٹرنگ ڈیسک) لندن میں پی آئی اے کے طیارے سے گرفتارکئے گئے خالدبقاکےبارے میں مزیدکئی اہم انکشافات سامنے آگئے ہیں ۔ایک نجی ٹی وی کے مطابق خالدبقاکوگزشتہ روزلندن میں پی آئی اے کی پرواز757سے گرفتارکیاگیاتھااورخالد بقاکواس سے قبل بھی دہشتگردی کے الزام میں برطانیہ میں دوسال قید کی سزاسنائی گئی تھی .
خالد بقاپر انتہاپسند ی کوفروغ دینے والی 300سے زائد سی ڈیزرکھنے کاالزام عائدکیاگیاتھاجبکہ ان سی ڈیزمیں دھماکوں کے لئے بم بنانے کی تراکیب اورلندن بم دھماکوں کے ایک مرکزی مجرم کی وصیت اوراعتراف جرم بھی شامل تھاجبکہ انورالاولاقی کے خطبے اورسرقلم کئےجانے کے مناظربھی شامل تھے۔خالد بقاکے ان انکشافات نے معاملے کونیارخ دے دیاہے ۔جبکہ برطانوی پولیس نے واضح کیا ہےکہ طیارہ ہائی جیک ہونے یا دہشتگردی کا خطرہ نہیں تھا۔
