لاہور (آئی این پی) موٹورولا کی طویل عرصے بعد پاکستان کی سیلولر مارکیٹ میں واپسی کی تیاریاں آخری مراحل میں ہیں۔ تفصیلات کے مطابق موبائل فون بنانے والی مشہور کمپنی موٹورولا کئی برس کے بعد پاکستان کی مارکیٹ میں دوبارہ واپسی کی تیاری کر رہی ہے۔ ماضی میں موٹورولا کو پاکستان کی موبائل فون مارکیٹ میں خاصی مقبولیت حاصل رہی ہے۔ تاہم مالی حالات خراب ہونے کے باعث کچھ برس قبل موٹورولا نے پاکستان میں اپنا کاروبار ختم کر دیا تھا۔ تاہم اب کمپنی جلد دوبارہ پاکستان میں کاروبار شروع کرنے والی ہے۔ کمپنی کی جانب سے پاکستان میں کئی سمارٹ فونز فروخت کیلئے پیش کیے جائیں گے۔

موضوعات:موبائل