لاہور (مانیٹرنگ ڈیسک) کاریں بنانے والی معروف کمپنی ہنڈااٹلس کی طرف سے 2017میں پاکستانی مارکیٹ میں ہنڈاسٹی کوفروخت کے لئے پیش کرنے کی خبریں جھوٹ نکلی ہیں ۔تفصیلات کے مطابق ہنڈاسٹی کے نئے ماڈل کی فروخت کے بارے میں خبریں سوشل میڈیاپرگردش کرتی رہیں کہ رواں سال اس کو ہنڈاسٹی کانیاماڈل پاکستان میں فروخت کےلئے پیش کردیاجائےگاجبکہ دوسری طرف کمپنی کے ذرائع نے بتایاکہ 2017میں ہنڈااٹلس پاکستانی مارکیٹ میں نئی سٹی کاکوئی ماڈل متعارف نہیں کرارہی ہے ۔کمپنی ذرائع کاکہناہے کہ وہ اپنی نئی گاڑی جلدہی پاکستان میں فروخت کےلئے پیش کرے گی تاہم ابھی اس بارے میں کوئی حتمی فیصلہ نہیں کیاگیاہے ۔