اسلام آباد(این این آئی )وفاقی وزیر خزانہ سینیٹر محمد اسحاق ڈار نے پانچ ہزار روپے کے کرنسی نوٹ اور 40 ہزار روپے کے پرائز بانڈز کو ختم کرنے سے متعلق افواہوں کو مسترد کر دیا ۔پیر کو وزارت خزانہ سے جاری بیان کے مطابق وفاقی وزیر خزانہ سینیٹر محمد اسحاق ڈار نے پانچ ہزار روپے کے کرنسی نوٹ اور 40 ہزار روپے کے پرائز بانڈ کو ختم کرنے سے متعلق افواہوں کو مسترد کر دیا ہے ۔ وزیر خزانہ نے کہا کہ اس طرح کی افواہیں قطعی طور پر بے بنیاد ہیں اور انہیں مذموم اور درپردہ مقاصد کیلئے پھیلایا جا رہا ہے ۔ انہوں نے کہا کہ اس طرح کی کوئی بھی تجویز حکومت کے زیر غور نہیں ہے۔