کراچی( آن لائن )2018 کے عام انتخابات تک پاکستان اسٹاک مارکیٹ کا 100 انڈیکس 60 ہزار کی سطح عبور کرجائے گا۔ پاکستانی مارکیٹ پر بلوم برگ رپورٹ میں مالیاتی ماہرین کی رائے کو شامل کیا گیا۔ رپورٹ میں بیشتر سرمایہ کاروں نے پاکستان اسٹاک مارکیٹ بڑھتے رہنے کی توقع کی ہے۔مالیاتی ماہرین نے توقع ظاہر کی ہے کہ آئی ایم ایف پروگرام کی کامیابی کے بعد حکومت پاکستان بھی معیشت کی ترقی کے لئے اقدامات کرے گی جو مارکیٹ کے مثبت رجحان کو اور بہتر کرے گا جبکہ چین سے آنے والی سرمایہ کاری اسے مزید تقویت فراہم کرے گی۔رپورٹ میں لندن اور میلان سے ماہرین کی رائے شامل کی گئی ہے جن کا ماننا ہے کہ نواز شریف حکومت نے ادائیگیوں کا خسارہ کے مسئلے کو حل کیا ہے اور زرمبادلہ ذخائر تاریخ کی بلند ترین سطح پر پہنچ گئی ہے جس سے مارکیٹ مزید بہتر ہوگی۔میلان سے تعلق رکھنے والی ایک فنڈمنیجر نے کہا ہے کہ ریگولیٹر کی جانب سے اجازت ملنے پر وہ اپنے فنڈ کا 10 فیصد حصہ پاکستان اسٹاک ایکسچینج کے لئے مختص کردیں گی۔رپورٹ کے مطابق پاکستان اسٹاک مارکیٹ کا بینچ مارک ہنڈرڈ انڈیکس رواں سال 27 فیصد بڑھ چکی ہے۔ماہرین کا کہنا ہے کہ 2017 میں ایم ایس سی آئی ایمرجنگ مارکیٹ میں پاکستان اسٹاک ایکس چینج کی شمولیت کے بعد مزید تیزی آئے گیبلوم برگ رپورٹ میں ماہرین نے پیش گوئی کی ہے کہ دو ہزار اٹھارہ کے عام انتخابات تک بنچ مارک ہنڈرڈ انڈیکس ساٹھ ہزار پوائنٹس تک پہنچ سکتا ہے۔۔