کراچی(مانیٹرنگ ڈیسک)اسٹیٹ بنک آف پاکستان نے 10روپے کا سکہ جاری کرنے کی حتمی تیاری مکمل کر لی 10روپے کا سکہ جلد ہی پاکستانی مارکیٹوں میں آ جائے گا۔ تفصیلات کے مطابق اسٹیٹ بنک آف پاکستان نے ملک میں 10روپے کا سکہ جاری کرنے کا حتمی فیصلہ کر لیا ہے اور جلد ہی 10روپے کا سکہ جاری کرنے کا فیصلہ کیا ہے۔ اب پاکستانی 1روپیہ 2روپیہ، 5روپیہ اور 10روپے کے سکے چلیں گے۔ ممکنہ نئے 10روپے کے سکے ایک جانب اسلامی جمہوریہ پاکستان، چاند تارا اور 2016درج ہو گا 10روپے کے سکے کے دوسری جانب اسلام آباد کی خوبصورت مسجد فیصل مسجد اور تین پرندوں سمیت 10روپیہ لکھا گیا ہے۔
واضح رہے کہ اس سے قبل سینٹ کی قائمہ کمیٹی برائے خزانہ کو بریفنگ کے دوران سٹیٹ بینک کے حکام کا کہنا تھا کہ عالمی سطح پر دھاتوں کی قیمت میں کمی کے باعث 5 روپے والے سکے کی لاگت 3 روپے 75 پیسے کی کمی سے ڈھائی روپے ہوگئی ہے۔ مرکزی بینک ابھی تک جنگ عظیم دوم کی مشینیں استعمال کررہا ہے جو ایک منٹ میں 80 سکے بنانے کی صلاحیت رکھتی ہیں ، جبکہ دنیا بھر میں ایک منٹ میں 800 سکے بنائے جاتے ہیں۔ مرکزی بینک کے حکام نے سینٹ کی قائمہ کمیٹی کو بتایا کہ 10 روپے کے سکے کی منظوری دے دی گئی ہے ، اور رواں مالی سال 10 روپے کا سکہ متعارف کرا دیا جائے گا۔