کراچی (این این آئی) ملک میں تیزی سے ترقی کرتے ہوئے موبائل فنانشل سروسز فراہم کرنے والے ادارے جاز کیش اور ٹرینگلو کے درمیان ایک معاہدہ طے پاگیا ہے۔ ٹرینگلو کو عالمی سطح پر مختلف ممالک کے درمیان ڈیجیٹل ترسیلات زرکا مرکزخیال کیا جاتا ہے۔اس معاہدہ سے جاز کے اس عزم کا اظہار ہوتا ہے جس کا مقصد وقت کی تبدیلی اور عالمی مشقوں کے مطابق پروڈکٹس اور سروسز کو ڈیجیٹل کرنا ہے۔مالی اورترسیلات زر کی خدمات فراہم کرنے والا عالمی نیٹ ورک ٹرینگلواب اس شراکت داری کے ذریعے عالمی سطح پر جاز کیش استعمال کرنے والوں کو رقم کی منتقلی کی خدمات عالمی سطح پر پیش کر سکے گا۔اس سلسلہ میں لانچ پارٹنر LycaRemit موبائل/برقی ترسیلات زر کوبرطانیہ سے جاز کیش موبائل اکاؤنٹس اور کیش کلیکشن سینٹرز تک منتقلی کے قابل بنائے گا۔اس طرح یہ اقدام اس بات کو یقینی بنائے گا کہ ملک میں بینکاری کی خدمات سے محروم طبقے کو بھی ان کے موبائل کے ذریعے بینک تک رسائل مل سکے۔اس شراکت کے بارے میں موبی لنک کی وائس پریزیڈنٹ ڈیجیٹل اینڈ موبائل فنانشل سروسز، انیقہ افضل ساندھو نے کہا:’’ایک با سہولت اور قابل

اعتماد انداز میں کسٹمرز کی مالی ضروریات کو ڈیجیٹل کرنے کے سفر کا اگلا مرحلہ ٹرینگلو کے ساتھ شراکت داری کی صورت میں شروع ہو گیا جس پر ہم بہت پرجوش ہیں۔ یہ تعاون برطانیہ میں رہنے والے لوگوں کو اس قابل بنائے گا کہ وہ اپنے ایسیعزیزوں کو براہ راست رقوم بھیج سکیں جنہیں شاید ان کے علاقہ میں بینک تک رسائل حاصل نہ ہو۔اس طرح کی شراکت کے ذریعے ہم تیزی سے بڑھتے ہوئے موبائل اکاؤنٹس کے کسٹمرز کو ریٹیل اور آن لائن ادائیگیوں تک رسائی فراہم کر کے ہم انہیں مزید اہل بنانے کے بارے میں پر اعتماد ہیں۔‘‘اس اقدام سے فائدہ اٹھاتے ہوئے کسٹمرز عالمی ترسیلات زر اپنے جاز کیش موبائل اکاؤنٹس میں وصول کرنے کے بعد ملک بھر میں پھیلے ہوئے 65,000سے زائد ریٹیلرز اور 10,000سے زائد ATMSکے ذریعے نقدرقم نکال سکیں گے۔ یہ شراکت داری کے نتیجہ میں ملائشیا میں قائم Money Max ، Unique Change اور Remit Incentive بھی جاز کیش موبائل اکاؤنٹس میں رقم منتقل کر نے کے قابل ہو جائیں گے۔ مزید یہ کہ ٹرینگلو کے ذریعیبرطانیہ اور ملائشیا میں موجود دیگر شراکت دار بھی اس قابل ہو جائیں گے کہ وہ 2017تک سنگاپور، اسپین اور دیگر خلیجی ممالک میں جاز کیش کی سروس فراہم کر سکیں۔

موضوعات:جاز کیش