کراچی( آن لائن ) پاک سوزوکی موٹر کمپنی (پی ایس ایم سی) نے اپنی تمام ماڈلز کی کاروں کی قیمتوں میں تین فیصد یعنی 20 ہزار سے 30 ہزار روپے فی یونٹ تک اضافے کا اعلان کیا ہے۔کمپنی کی جانب سے اس اضافے کی کوئی وجہ نہیں بتائی گئی ہے۔اس اضافے کے بعد نئی مہران وی ایکس آر (پیٹرول) اور وی ایکس آر (سی این جی) کی قیمتیں بالترتیب 7 لاکھ 3 ہزار اور 7 لاکھ 73 ہزار ہو گئی ہیں۔سوزوکی راوی کی نئی قیمت 6 لاکھ 67 ہزار جب کہ سوزوکی کلٹس کی نئی قیمت 7 لاکھ 73 ہزار روپے ہو گئی ہے۔اسی طرح سوزوکی سوئفٹ (اے ٹی) کی نئی قیمت 14 لاکھ 63 ہزار روپے جب کہ ویگن آر (وی ایکس ایل) کی نئی قیمت 10 لاکھ 49 ہزار روپے ہو گئی ہے۔یاد رہے کہ رواں سال اس سے قبل بھی سوزکی نے ویگن آر کی قیمت میں دو فیصد کر چکی ہے۔آل پاکستان موٹر ڈیلرز ایسوسی ایشن کے چیئرمین ایچ ایم شہزاد نے گاڑیوں کی قیمت میں اس اضافے کو نئی آٹو پالیسی کی خلاف ورزی قرار دیا ہے۔