اسلام آباد (مانیٹرنگ ڈیسک) وفاقی وزیر خزانہ اسحاق ڈار نے کہا ہے کہ جائیداد کی قیمیت کی تعین کا نوٹیفیکیشن اب ایف بی آر کریگا،غیر منقولہ جائیداد کی فروخت کے دوسرے سال کیپیٹل گین ٹیکس 7.5فیصد جبکہ تیسرے سال 5فیصد رہے گا،2سال کا ہاکنگ مدت پانچ سال تک بڑھا دیا گیا ہے،بکنے والی جائیداد پر گین ٹیکس رواں سال 10فیصد برقرار رہے گا،جائیداد کے ڈی سی ریٹ کا معاملہ طے ہو گیا۔ ان خیالات کا اظہار انہوں نے ہفتہ کو ایف بی آر میں اجلاس کے بعد میڈیا سے گفتگو کرتے ہوئے کیا۔اجلاس میں جائیداد کی قیمت کے تعین کے حوالے سے امور زیر بحث لا ئے گئے۔وفاقی وزیر نے کہا کہ جائیداد کی قیمت کے تعین کا نوٹیفیکیشن اب ایف بی آر کریگا،تمام بڑے شہروں کیلئے قیمت کے تعین پر اتفاق کیا گیا ہے۔اسحاق ڈار نے کہا کہ ایف بی آر اور تمام سٹیک ہولڈرز نے اس معاملے پر مثبت کردار ادا کیا ہے۔انہوں نے کہا کہ ان علاقوں کیلئے جہاں فی الحال قیمتوں کے تعین کا شیڈول تیار نہیں کیا گیا وہاں ڈی سی ریٹ کا اطلاق ہو گا۔انہوں نے کہاکہ سی جی ٹی کیلئے ہولڈنگ کی مدت پانچ سال سے کم کرکے تین سال کر دی گئی ہے۔وفاقی وزیر نے کہا کہ فیصلوں پر عملدرآمد کیلئے قانون سازی کرینگے۔انہوں نے کہا کہ جائیداد کے ڈی سی ریٹ کا معاملہ طے ہو گیا ہے اب کسی کو بلیک میل ہونے کی ضرورت نہیں۔انہوں نے کہا کہ اپنا کام مکمل کرنے کے بعد صوبوں سے بات کرینگے۔انہوں نے کہا کہ پراپرٹی ڈیلرز نے اپنے مسائل حکومت کے سامنے رکھے۔پراپرٹی ڈیلرز نے تسلیم کیا کہ جائیداد کی قیمتوں کا تعین ہونا چاہیئے۔ہم نے اتفاق رائے سے فیصلے کئے ہیں۔