سنگاپور (این این آئی)تیل کی قیمتوں نے پھر پلٹا کھالیا،قیمت حد سے زیادہ کم ہوئی تو۔۔۔! ماہرین نے انتباہ کردیا، ایشیائی آئل مارکیٹ میں جمعہ کو خام تیل کے نرخوں میں ایک مرتبہ پھر کمی کا رجحان رہا جس کی وجہ عالمی سطح پر خام تیل کی زائد رسد بارے پائی جانے والی تشویش اور پیداوار میں اضافہ ہے۔ ماہرین نے انتباہ کیا ہے کہ خام تیل کے نرخ 40 ڈالر فی بیرل کی سطح سے نیچے آنے کی صورت میں کئی مشکلات جنم لے سکتی ہیں۔کاروباری سرگرمیوں کے دوران امریکا کے ویسٹ ٹیکساس انٹرمیڈیٹ کے معاہدے 7 سینٹ کی کمی سے 41.07 ڈالر فی بیرل میں طے پائے جبکہ برینٹ نارتھ سی کروڈ کے سودے 5 سینٹ کی گراوٹ سے 42.65 ڈالر فی بیرل میں ہوئے۔ رپورٹ کے مطابق خام تیل کے نرخ رواں سال جون کے آغاز میں 50 ڈالر فی بیرل کی سطح سے تجاوز کر گئے تھے تاہم اس کے بعد سے خام تیل کے نرخوں میں 20 فیصد تک کی کمی ہو چکی ہے۔ ماہرین نے انتباہ کیا ہے کہ خام تیل کے نرخ 40 ڈالر فی بیرل کی سطح سے نیچے آنے کی صورت میں کئی مشکلات جنم لے سکتی ہیں۔