اسلام آباد (نیوزڈیسک) وزیر اعظم نے اسلام آباد میں بیلا روس کے سفارتخانے کے لئے زمین الاٹ کرنے کا گرین سگنل دے دیا ہے اور وزارت خارجہ کو اس حوالے سے ہدایات جاری کر دی ہیں میڈیا رپورٹس کے مطابق وزارت خارجہ اور وزیر اعظم ہاﺅس کے درمیان مراسلوں کے تبادلے سے یہ بات عیاں ہے کہ درخواست سفارتخانے کی مجوزہ بلڈنگ کے لے آﺅٹ پلان کی دستیابی کی صورت میں آگے بڑھ سکتی ہے رپورٹس میں کہا گیا ہے کہ مشرقی یورپ کے ملک بیلا روس کے ساتھ پاکستان کے تعلقات میں بہتری آئی ہے اور تعلقات میں بہتری بیلا روس کے صدر امیگزنڈر لوکا شنکو کے دورہ اسلام آباد کے بعد آئی جب انہوں نے مئی میں پاکستان کا دورہ کیا اس کے بعد وزیر اعظم نواز شریف نے اگست میں بیلا روس کا دورہ کیا جب پاکستان نے اس یورپی ملک میں اپنا سفارتخانہ قائم کیا میڈیا رپورٹس میں کہا گیا ہے کہ بیلا روس کے سفارتخانے کی ضرورت اس وقت محسوس کی گئی جب وزیر دفاع رانا تنویر حسین نے جولائی 2014 میں اس ملک کا دورہ کیا فی الحال بیلا روس کا سفارتخانہ ایف سکس سیکٹر میں کام کر رہا ہے بیلا روس سفارتخانے کے ایک اہلکار نے کہا ہے کہ بیلا روس کا اسلام آباد میں چھوٹا سا مشن ہے جو ایک رہائشی علاقے سے چلایا جا رہا ہے اور جلد ہی ایمبیسی کو ڈپلومیٹک انکلیو منتقل کر دیاجائے گا ۔