کراچی (نیوزڈیسک) 660 سی سی کی سستی اور نئی گاڑیاں ،پاکستانیوں کے دل مچل اُٹھے، لائن لگ گئی،مہنگائی اور فیول کی بڑھتی ہوئی قیمتوں کی وجہ سے ہر کوئی خریدنے کا آرزو مند،گاڑی کہاں سے ملے گی اور کتنے میں ملے گی، سوشل میڈیا پرسوال وائرل ہوگیا،جبکہ اعلان ہوتے کے ساتھ ہی سوزوکی کار ڈیلرز کے ٹیلی فون بج اٹھے بڑی تعداد میں عوام کا کار ڈیلرز سے رابطہ، واضح رہے کہ سوزوکی کمپنی پاکستان میں سستی اور جدید سہولتوں سے آراستہ 660 سی سی کی چھوٹی گاڑیاں متعارف کرانے کے ساتھ ساتھ دوسرے بہتر ماڈلز کی گاڑیاں بھی متعارف کرائے گی ۔ میڈیا رپورٹس کے مطابق سوزوکی کمپنی کے گلوبل سربراہ کنجی سیتونے وفاقی وزیر صنعت و پیداوار غلام مرتضی جتوئی سے ملاقات کی اس موقع پر سوزوکی کی کمپنی کے گلوبل سربراہ نے کہا کہ سوزوکی کمپنی پاکستان میں پہلی مرتبہ 660 سی سی کی چھوٹی گاڑیاں اور دوسرے بہتر ماڈل متعارف کروانے جارہی ہے نئے ماڈل سے صرف توانائی کی بچت اور ماحول دوست ہوں گے بلکہ ان میں تمام گاڑیوں کے لوازمات مہیا کئے جائیں گے ۔سوزوکی موٹر کمپنی پاکستان میں 350 ملین ڈالر کا ایک سپیئر پارٹس بنانے کا بھی پلانٹ لگا رہی ہے جس میں 8 سے 10 ہزار ہنر مند افراد اور غیر ہنر مند پاکستانیوں کو روزگار کے مواقع دستیاب ہوں گے۔