اسلام آباد(نیوزڈیسک)پاکستانیوں کیلئے خوشی کی بڑی خبر،چین نے اربوں ڈالر کے اہم منصوبے کی منظوری دیدی،چین کی سرمایہ کاری کے بارے میں سٹیٹ کونسل نے تھرمیں کوئلے کی تلاش واخراج اور660میگاواٹ کابجلی گھرلگانے کیلئے ابتدائی طورپرایک ارب بیس کروڑڈالرسرمایہ کاری کی منظوری دیدی ہے اوراس مقصد کیلئے باقاعدہ دستاویزات پردستخط 21دسمبرکوبیجنگ میں ہونگے بعدازاں اس منصوبے کومزید وسعت دی جائے گی جس پر اربوں ڈالر کے اخراجات آئیںگے۔اس امرکی تصدیق چائناسٹیٹ کونسل کی طرف سے وزارت پانی وبجلی کے سیکرٹری محمدیونس ڈھاگہ کولکھے گئے خط میں کی گئی ہے یہ منصوبہ تھرکے بلاک ٹومیں قائم کیاجائیگا اور3.8ایم ٹی پی اے کوئلہ نکالاجائیگا۔ چینی کمپنی سائنوشوئراورسندھ اینگرومائننگ کمپنی ملکریہ منصوبہ مکمل کرینگے اوراس منصوبے کی منظوری کوتھوڑے وقت میں بڑی کامیابی قراردیاجارہاہے ۔ یہ منصوبہ بھی چین پاکستان اقتصادی راہداری منصوبوں کاحصہ ہے جس پرنومبر2014ءمیں دستخط کئے گئے منصوبے کیلئے تمام ضروری تقاضے ایک سال میں مکمل کئے جائیں گے اورحکومت اسے اولین ترجیح قراردیتی ہے۔