کابل(نیوزڈیسک) ہر کلہ راشہ۔۔۔! افغانستان نے پاکستان کیلئے اہم اعلان کردیا،تعلقات میں بڑی پیش رفت،کابل میں راولپنڈی چیمبر آف کامرس کی جانب سے جاری میڈ ان پاکستان نمائش سے خطاب کے دوران زبیر موتی والا کا کہنا تھا کہ افغان حکومت نے پاکستانی تاجروں کو ایک سالہ ملٹی پل ویزا دینے کا اعلان کیا ہے اور ہم اس اقدام کو سراہاتے ہیں۔ فیصلے سے دونوں ممالک کے تاجروں کے درمیان رابطوں میں اضافہ جبکہ تجارت کو فروغ ملے گا۔ زبیر موتی والا کا مزید کہنا تھا کہ اس وقت دونوں ممالک کے درمیان تجارتی حجم ڈھائی ارب ڈالر ہے جبکہ باہمی تجارت 10 ارب ڈالر تک پہنچنے کی گنجائش ہے۔ تقریب کے دوران بتایا گیا کہ پاک افغان جوائنٹ چیمبر آف کامرس جنوری 2016ء میں سالانہ کانفرنس کا انعقاد کرے گی۔