نیویارک(نیوزڈیسک)تیل کی قیمتیں 7سال کی کم ترین سطح پر ،پاکستانی حکومت کے فیصلے پر عوام ششدر،عالمی مارکیٹ میں خام تیل کی قیمتیں سات سال کی کم ترین سطح پر آگئی ہیں۔غیر ملکی خبر ایجنسی کے مطابق نیویارک مارکیٹ میں خام تیل کی قیمتیں اس وقت گزشتہ سات سال کی کم ترین سطح پر ہیں۔ویسٹ ٹیکساس انٹرمیڈیٹ کے جنوری کے سودے دو ڈالر بتیس سینٹ کمی کے بعد سینتیس ڈالرپینسٹھ سینٹس فی بیرل میں طے ہوئے۔ماہرین معاشیات کا کہنا ہے کہ تیل برآمد کرنےو الے ممالک کی جانب سے پیداوار میں کمی نہ کیے جانے کے سبب تیل کی قیمتوں میں گراوٹ دیکھنے میں آرہی ہے کیونکہ مارکیٹ میں ضرورت سے زائد خام تیل دستیاب ہے۔خام تیل کی قیمتوں میں بڑے پیمانے پر کمی کے باوجود حکومت نے پیٹرولیم مصنوعات کی قیمتیں برقرار رکھنے کا فیصلہ کیا ہے۔ اوگرا کی جانب سے وزارت خزانہ کو ایک سمری ارسال کی گئی تھی جس میں پٹرول کی قمیت میں کمی اور ہائی سپیڈ ڈیزل کی قیمت میں اضافے کی سفارش کی گئی تھی۔ آئل اینڈ گیس ریگولیٹری اتھارٹی (اوگرا) کی جانب سے وزارت خزانہ کو بھیجی گئی سمری کے مطابق پٹرول کی قیمت میں ایک روپے 5 پیسے فی لٹر، لائٹ سپیڈ ڈیزل کی قیمت میں 36 پیسے فی لٹر، مٹی کے تیل کی قیمت 79 پیسے فی لٹر کمی جبکہ ہائی سپیڈ ڈیزل کی قیمت میں ایک روپے 42 پیسے اور ہائی اوکٹین کی قیمت میں بھی 87 پیسے فی لٹر اضافے کی سفارش کی گئی تھی