اسلام آباد(نیوز ڈیسک)پاکستان میں بلیک بیری سروسز کو مزید ایک ماہ کی مہلت مل گئی۔ پی ٹی اے کی ہدایت پر آج بلیک بیری کی ای میل اور میسیج سروسز ختم ہونا تھیں، اب 30 دسمبر کو ختم ہوں گی۔کمپنی کا کہنا ہے کہ پاکستان سے جانے کا دکھ ہے مگر صارفین کی تمام معلومات فراہم کرنے کی درخواست نہیں مان سکتے۔ غیر ملکی خبر رساں ایجنسی کے مطابق بلیک بیری 2015 کے آخر میں پاکستان میں اپنا کام مکمل طور پر بند کردے گی۔ پاکستانی حکومت کی جانب سے بلیک بیری صارفین کے تمام میسجز اور ای میلز کی مانیٹرنگ کی درخواست پر کمپنی نے یہ فیصلہ کیا ہے۔ بلیک بیری حکام کا کہنا ہے کہ پاکستان سے جانے کا دکھ ہے مگر صارفین کی تمام معلومات کسی کو نہیں دے سکتے۔