لاہور(نیوزڈیسک) ریلوے اسٹیشن پر قراقرم ایکسپریس کے نئے ریک کے افتتاح کے موقع پر وفاقی وزیر ریلوے خواجہ سعد رفیق کا کہنا تھا کہ گرین لائن کے بعد ایک اور ٹرین کو ہائی پروفائل ٹرین کے طور پر متعارف کرا رہے ہیں اور جلد ہی دو نئی ٹرینیں بھی اپ گریڈ کی جا رہی ہیں۔ ان کا کہنا تھا کہ قراقرم ایکسپریس میں مسافروں کو جدید سہولتیں مہیا کی گئی ہیں، جبکہ اپ گریڈ کی جانے والی ٹرین کے کرائے میں بھی اضافہ کر دیا گیا ہے۔ اے سی بزنس کا کرایہ 80 روپے اضافے کے بعد 4410 سے بڑھا کر 4490 جبکہ اکانوی کلاس کا کرایہ 70 روپے اضافے کے بعد 1520 سے بڑھا کر 1590 کر دیا گیا ہے، اپ گریڈ کی جانے والی قراقرم ایکسپریس میں 18 ریکس کا اضافہ کیا گیا ہے، جبکہ اس میں 11 سو مسافروں کو سفر کرنے کی سہولت حاصل ہو گی