کراچی ( آن لائن) عالمی صرافہ مارکیٹ میں فی اونس سونے کی قیمت میں کمی کے بعد ملکی صرافہ مارکیٹوں میں بھی سونا سستاہوگیا۔عالمی صرافہ مارکیٹ میں 9ڈالر کی کمی سے سونے کی فی اونس قیمت 1069ڈالرپرآگئی۔آل پاکستان سپریم کرنسل جیولرز ایسوسی ایشن کی رپورٹ کے مطابق ملکی صرافہ مارکیٹوں میںسونے کی ایک تولہ قیمت میں 250روپے کی کمی ریکارڈ کی گئی جس کے بعد کراچی،حیدرآباد،لاہور،ملتان،فیصل آباد،اسلام آباد،راولپنڈی اورکوئٹہ کی صرافہ مارکیٹوںمیں سونے کی ایک تولہ قیمت 45ہزار 250روپے سے کم ہوکر45ہزارروپے ہوگئی اسی طرح 214روپے کی کمی سے دس گرام سونے کی قیمت 38ہزار571روپے پرآگئی جبکہ پاکستان بھرکی صرافہ مارکیٹوں میں چاندی کی ایک تولہ قیمت 660روپے کی سطح پربدستور برقراررہی۔