منسک (نیوز ڈیسک)بیلا روس کی قومی اسمبلی کے ایوا ن نمائندگان نے پاکستان سے تجارتی, فوجی فنی اور دیگر شعبوں میں تعاون کے بارے میں ہونے والے سمجھوتوں کی توثیق کر دی ہے ایوان نمائندگان نے ایک بل کے ذریعے ان سمجھوتوں کی توثیق کی جو بیلا روس کے وزیر اعظم کے حالیہ دورہ پاکستان میں کئے گئے تھے۔ان سمجھوتوں کے تحت دونوں ممالک فوجی مصنوعات کی تیاری مرمت اور منتقلی کے شعبوں میں تعاون کرینگے جبکہ بیلا روس کے فوجیوں کوپاکستان میں تربیت بھی دی جائیگی۔اس بل کے تحت دونوں ممالک قانونی معاملات طے کر نے کےلئے بھی ایک دوسرے سے تعاون کرینگے تاکہ مختلف شعبوں میں باہمی تعاون کوفروغ دیا جاسکے۔
آج کی سب سے زیادہ پڑھی جانے والی خبریں
