اسلام آباد(نیوزڈیسک)پاکستان نے جنوبی افریقہ کی جانب سے سیمنٹ پر عائد انٹی ڈمپنگ ڈیوٹی کو ڈبلیو ٹی او میں چیلنج کر دیا جبکہ وزیر تجارت خرم دستگیر نے کہاہے کہ پاکستان کے تجارتی مفادات کا ہر سطح پر تحفظ کریں گے۔میڈیا رپورٹ کے مطابق پاکستان نے جنوبی افریقہ کی جانب سے سیمنٹ پر عائد انٹی ڈمپنگ ڈیوٹی کو ڈبلیو ٹی او میں چیلنج کر دیا،وفاقی وزیر تجارت کی ہدایت پر ڈبلیو ٹی او میں جنوبی افریقہ کے مندوب کو خط لکھ دیا گیا ہے۔رواں سال مئی میں جنوبی افریقہ نے پاکستانی سیمنٹ پر15 فیصد سے 68 فیصد ڈیوٹی لگائی تھی، وزیر تجارت خرم دست گیر نے کہا کہ ڈیوٹی فوری طور پر ختم کرنے کےلئے ڈبلیو ٹی او کے قوانین کے تحت کارروائی کی جائے۔