کراچی ( نیوزڈیسک)عالمی صرافہ بازارمیں سونے کی فی اونس قیمت میں نمایاں کمی کے بعد پاکستان میں سونا مزید سستا ہوگیا اور 10گرام سونا 40ہزار روپے سے کم ہوکر 39ہزار روپے کی سطح پر آگیا۔منگل کو عالمی صرافہ مارکیٹ میں 14ڈالر کی کمی سے سونے کی فی اونس قیمت 1156ڈالر پر آگئی ۔آل پاکستان سپریم کونسل جیولرز ایسوسی ایشن کی رپورٹ کے مطابق منگل کو ملکی صرافہ بازاروں میں سونے کی فی اونس قیمت میں 350روپے کی نمایاں کمی ریکارڈ کی گئی جس کے بعد کراچی ، حیدر آباد ، لاہور ، ملتان ، فیصل آباد ، اسلام آباد ،راولپنڈی اور کوئٹہ کی صرافہ مارکیٹوں میں ایک تولہ سونے کی قیمت 46ہزار 900روپے سے کم ہوکر 46ہزار 550روپے ہوگئی ، اسی طرح 300روپے کی کمی سے 10گرام سونے کی قیمت 39ہزار 900روپے ہوگئی جبکہ صرافہ مارکیٹ میں چاندی کی ایک تولہ قیمت 700روپے بدستور برقرار رہی ۔