حیدر آباد (نیوزڈیسک)آسٹریا کی کمپنی او ایم وی نے لطیف شاہ ون کے علاقے میں گیس کا نیا ذخیرہ دریافت کیا ہے کمپنی کی طرف سے پیر کو جاری ہونےوالے بیان کے مطابق یہاں ملنے والے گیس کے ذخائر کے مزید تجربات کئے جا رہے ہیں اور ابتدائی طور پر یہاں سے 15 ایم ایم سی ایف ڈی گیس نکالی جا رہی ہے ۔ اس دریافت کے بعد اس علاقے میں مزید کنویں کھودے جانے کا بھی امکان ہے ۔ یہ او ایم وی کا پاکستانی کمپنیوں کے ساتھ مشترکہ منصوبہ ہے ۔امکان ظاہر کیا جارہا ہے کہ مزید کنوئیں کھودنے پر بڑی مقدار میں گیس کے ذخائر کی دریافت سے پاکستان کے گیس سے متعلق مسائل کا مکمل خاتمہ ہوسکتاہے۔